ဒီအချက် (၃)ချက် ကြောင့် ဖြစ်နိုင်ပါတယ် ….
အလုပ်တွေတော့ တောက်လျောက် လျှောက်နေတာပဲ Interview တော့ အခေါ်မခံဘူး စိတ်ညစ်လိုက်တာ 
ဒီလို အဖြစ်မျိုးက အလုပ်လျောက်ဖူးသူတိုင်း ကြုံတွေ့ဖူးကြမယ့် ပြဿနာတစ်ခုပါ ။ တစ်ခါတစ်လေဆိုရင် အလုပ်လိုအပ်ချက်နဲ့ ကိုယ်ရဲ့ experience တွေ skills တွေ ကိုက်ညီနေတာတောင် Interview မခံရတာမျိုးတောင် ရှိပါတယ်။ သေချာတာတစ်ခု ဒီလို အဖြစ်မျိုး သင်တစ်ယောက်တည်း ကြုံတွေ့နေရတာမျိုးတော့ မဟုတ်ပါဘူး ။ ဒါဆို ဘာလို့ ဒီလိုတွေဖြစ်နေတာလည်း ဘာလိုအပ်ချက်တွေ ရှိနေလို့လဲ ??
CV/Resume ကို သေချာပြင်ပါ
CV ဆိုတာ အလုပ်ရှာသူဘက်မှ အလုပ်ရှင်ဘက်ကို ပထမဆုံးပြသမယ့် First Impression ဖြစ်လို့ အရေးကြီးပါတယ် ။ ဒါကြောင့် အလုပ်မလျှောက်ခင်ကတည်းက ကြိုတင်ပြီးတော့ CV ကို သေချာ ပြင်စင်ထားသင့်ပါတယ်။ စစ်တမ်းတွေ အရ Recruiter တွေ CV တစ်စောင်ကို screening လုပ်ချိန်က အချိန် (၆)စက္ကန့်သာ ကြာပါတယ်။ ဒါက ဘာကိုဖော်ပြလည်းဆိုတော့ သင့်ရဲ့ CV က အလုပ်လျှောက်သူ ရာပေါင်းများစွာမှာ မပေါ်လွင်နေဘူးဆိုရင် သင်လည်း အပယ်ခံရတဲ့ အထဲပါသွားနိုင်ပါတယ်။
CV က အချက်အလက်တွေ မှားနေတာ
CV ဆိုတာ လူချင်းမတွေ့ခင် ကိုယ့်အကြောင်းကို အတိုချုပ်ဖော်ပြပေးတဲ့ အရာဖြစ်တာမလို့ အချက်အလက်တွေ မမှားအောင် အမြဲဂရုစိုက်သင့်ပါတယ်။ အရေးအကြီးဆုံးဖြစ်တဲ့ နာမည် ၊ ဆက်သွယ်မယ့် လိပ်စာ မှန်မမှန်ကို အလုပ်လျှောက်ခါနီးတိုင်း တစ်ခေါက်လောက်တော့ ပြန်စစ်ဆေးကြည့်ဖို့ အကြံပေးပါတယ်။ နောက်ပြီး Working Experience တွေကို ဖော်ပြရာမှာ Grammar အမှားတွေမပါအောင် ဂရုစိုက်ရေးသားပါ။ Recruiters တွေအတွက် Candidates များစွာရဲ့ CV တွေကို ရွေးချယ်ရတာဖြစ်လို့ ရှေ့ကပြောသလို အမှားသေးသေးလေးက လည်း အငြင်းခံရနိုင်စေပါတယ်။
အလုပ်လျောက်တဲ့ နေရာမှားနေလို့
တစ်ခါတစ်လေကြတော့လည်း သင်လျောက်လိုက်တဲ့ အလုပ်က သင်နဲ့ အမှန်တကယ် မကိုက်ညီတာမျိုး ရှိတတ်ပါတယ်။ သင့်အနေနဲ့ တခြားသက်ဆိုင်အလုပ်မှာ အတွေ့အကြုံများစွာ ရှိသည့်တိုင်အောင် ခေါ်ယူနေတဲ့ အလုပ်နဲ့ မကိုက်ညီရင် ထည့်သွင်းစဉ်းစားခံရမှာ မဟုတ်ပါဘူး။ အကယ်၍ ကိုယ်က အဲ့အလုပ်ကို တကယ်လုပ်ချင်စိတ်ရှိရင်တော့ Recruiters ကို ဆက်သွယ်ပြီး မေးမြန်းတာမျိုးနဲ့ Career change လုပ်ချင်တဲ့ အကြောင်း သေချာရေးထားတဲ့ Cover Letter ကိုပါ တွဲလျောက်တာမျိုး ပြုလုပ်သင့်ပါတယ်။
အခုဆိုရင် အလုပ်မလျောက်ခင် ဘာတွေပြင်စင်ရမလဲ Interview session ထိရောက်အောင် အလုပ်ဘယ်လို လျှောက်ရမလဲဆိုတာ သိလောက်ပြီလို့ ထင်ပါတယ်။
CV ပြင်စင်ရာမှာ အခက်အခဲရှိတယ် ဆိုရင်တော့ ကျွန်တော်တို့ JobExpress Myanmar Website က Create your CV feature ကို အသုံးပြုနိုင်ပါတယ်။ လှပသေသပ်တဲ့ CV တစ်ခု ဖန်တီးဖို့ အတွက် www.jobexpress.com.mm သို့ဝင်ကာ Account register ပြုလုပ်ပါ။ ကိုယ်ရေးအချက်အလက်များ ပြည့်စုံစွာ ဖြည့်ပြီးပြီဆိုရင် Website Header ရှိ Resume Style ကို နှိပ်ပြီး ကြိုက်နှစ်သက်ရာ Design ကို ရွေးချယ်ပေးလိုက်ရုံပါပဲ ။ ဒါဆိုရင် လှပသေသပ်တဲ့ CV တစ်ခုနဲ့ အလုပ်လျောက်ဖို့ အဆင်သင့်ဖြစ်နေပါပြီ …
ပိုမိုကောင်းမွန်သော အလုပ်အကိုင် အခွင့်အလမ်း များစွာအတွက်
