“ Interview တွင် မှားလေ့ရှိသော အမှားများ ”

Interview ဖြေဆိုရတဲ့အခါ လူတိုင်းမှာ အနည်းအများတော့ စိုးရိမ်ပူပန်မှုတွေ ရှိတတ်ကြပါတယ် ။ Interview အခန်းထဲ မဝင်ခင်နဲ့ ဖြေဆိုနေတဲ့ အချိန်မှာ အမှားလုပ်မိမှာကို စိုးရိမ်နေတာက သင့်ကို ပိုပြီးအမှား ပြုလုပ်မိနိုင်စေပါတယ် ။ ဒီလို စိုးရိမ်ပူပန်တာတွေ လျော့နည်းသွားဖို့နဲ့ ယုံကြည်မှုတွေပိုတိုးလာဖို့ အတွက် အကောင်းဆုံး နည်းလမ်းက ကြိုတင်ပြင်ဆင်မှု ကောင်းဖို့ပါပဲ ။ ပြင်ဆင်တဲ့ အခါမှာ မေး‌လေ့ရှိတဲ့ မေးခွန်းတွေ အပြင်ကို Interview မှာ မှားလေ့ရှိတဲ့ အမှားတွေကိုပါ လေ့လာထားသင့်ပါတယ် ဒါမှ မှားနိုင်တဲ့ အရာတွေကို သတိထားမိပြီး Interviewer တွေလိုချင်တဲ့ အချက်အလက်တွေနဲ့ ယုံကြည်မှုကို ပေးနိုင်မှာပါ။ ဒါကြောင့် Interview မှာ ဘယ်လိုအရာတွေကို မှားလေ့ရှိလည်း ဆိုတာကို လေ့လာကြည့်ရအောင် …

Arriving late or too early

Interview ချိန်းထားတဲ့ အချိန်ကို မှန်မှန်ရောက်ဖို့က အရမ်းအ‌ရေးကြီးပါတယ် ။ Interview မှာ သင်နဲ့ အလုပ်ရှင် နှစ်ဖက်ကြား First Impression ကောင်းမွန်ဖို့ အရေးကြီးတာကြောင့် အချိန်ကိုလေးစားကြောင်း ပြသဖို့ လိုပါတယ်။ Interview အချိန်ထက် နောက်ကျတာလည်း မကောင်းသလို အရမ်းစောရောက်နေတာကလည်း Interviewer အပေါ် အလုပ်များစေနိုင်ပါတယ်။ အကောင်းဆုံး အချိန်ကတော့ ချိန်းထားတာထက် ၁၀ မိနစ် ၊ ၁၅ မိနစ် လောက်ပဲ စောသင့်ပါတယ် ဒါမှ Interviewer အတွက် လုပ်လက်စအလုပ်ကို လက်စသတ်ဖို့ အချိန်ရပြီး Interview အတွက် လိုအပ်တာတွေ ပြင်ဆင်နိုင်မှာပါ ။

Dress Inappropriately

Interview မှာ ဖြစ်သလို ဝတ်သွားတာဟာ အကြီးမားဆုံး red flag ပါပဲ ။ Casual wear လက်ခံတဲ့ ကုမ္ပဏီဆိုရင်တောင်မှာ သေသေသပ်သပ် ဝတ်ဆင်သွားသင့်ပါတယ် ။ Formal ကျကျ သေသပ်စွာ ဝတ်ဆင်ထားတဲ့ အခါ အလုပ်ရှင်အမြင်မှာ သင်က ဒီအလုပ်အပေါ် အလေးထားကြောင်း ပေါ်လွင်စေပြီး Professional တစ်‌ယောက်လို့ ခံစားရစေတာကြောင့် Impression ကောင်းကောင်းရစေပါတယ်။ နောက်ပြီး သေသေသပ်သပ် ဝတ်ထားတဲ့အခါ မိမိကိုယ်ကိုယ် ယုံကြည်မှုကိုလည်း တိုးစေပါတယ်။

Using your mobile phone           

Interview ဖြေဖို့ စောင့်ဆိုင်းနေတဲ့ အချိန်မှာ ဖုန်းသုံးနေမယ့် အစား CV/Resume ကို ပြန်ဖတ်ပြီး မေးခွန်းတွေအတွက် ကြိုတင်ပြင်ဆင်နေသင့်ပါတယ်။ နောက်ပြီး Interview အခန်းထဲမဝင်ခင်မှာ ဖုန်းကို အသံပိတ်ထားဖို့လည်း မမေ့ပါနဲ့ ဒါမှ ဖြေဆိုနေချိန်အတွင်း အနှောင့်အယှက်ဖြစ်စရာ အသံတွေ မဝင်လာပဲ သေချာအာရုံစိုက် ဖြေဆိုနိုင်မှာပါ။

Not doing company research

Interview စတင်ဖြေဆိုတဲ့ အခါမှာ သင့်အနေနဲ့ Company အကြောင်းကိုလေ့လားထားဖို့ လိုအပ်ပါတယ်။ ဒါကြောင့် Interview ချိန်းကတည်းက Company Research ကို သေချာ ပြုလုပ်ထားပါ ဘယ်လို Clients ကို Services ပေးနေလည်း ၊ ဘယ်လို Products တွေ ထုတ်နေလည်း ၊ စျေးကွက်တွင်း ဘယ်လို အခြေအနေရှိလည်း စသဖြင့် လေ့လာထားပါ။ နောက်ပြီး “ဒီ ကုမ္ပဏီကို ဘာလို့လျှောက်ရတာလဲ” ဆိုတဲ့ မေးခွန်းမျိုးကိုပါ ပြင်ဆင်ထားပြီး ကိုယ်ဘယ်လောက် လေ့လာထားသလည်း ဆိုတာကို ပြသလို့ရပါတယ်။

Having no questions to ask

 Interview တာ ပြီးခါနီးဆိုရင်  Interviewer ကနေ “သိချင်တာရှိရင် ‌မေးလို့ရပါတယ်” ဆိုပြီး သင့်ကို မေးခွင့်ပေးတတ်ကြပါတယ် ။ ဒီမှာ Candidates တော်တော်များများက “မေးစရာ မရှိတော့ပါဘူးဆိုပြီး” မေးခွန်း မမေးပဲ အဆုံးသတ်လိုက်ကြပါတယ်။ ဒီလို လုပ်တာဟာ Company အပေါ် စိတ်ဝင်စားမှုနည်းကြောင်း ပြလိုက်တာပါပဲ ဒါကြောင့် Interview မဖြေခင်မှာ မေးစရာမေးခွန်းတွေ ပြင်ဆင်ထားပါ။ ပြင်ဆင်တဲ့အခါမှာလည်း Company Website နဲ့ Social Media မှာ ဖော်ပြထားတဲ့ Info ကို ထပ်မေးတာမျိုး မဖြစ်သင့်ပါဘူး နောက်ပြီး Interview မှာ ပြောသွားတာကို ထပ်မေးလိုက်တာလည်း မဖြစ်ရပါဘူး မသေချာတာမျိုးရှိရင်တော့ Confirm ပြုလုပ်နိုင်ပါတယ် ။ ဘယ်လိုမေးခွန်းတွေ မေးသင့်လည်းဆိုတော့ –

• Company culture က ဘယ်လိုမျိုး ရှိလည်း သိချင်ပါတယ်?
• လတ်တလောကာလမှာ ကုမ္မဏီရဲ့ အရေးအကြီးဆုံး Goal က ဘာများ ဖြစ်မလဲဗျ ?
• ဒီအလုပ်ရခဲ့ရင် ဘယ်သူ့ကို report လုပ်ရမှာလဲ ခင်ဗျ နောက်ပြီး တူတူလုပ်ရမယ့် team အကြောင်းလေးလည်း သိထားချင်ပါတယ်?

စတဲ့ Company နဲ့ သက်ဆိုင်တဲ့ မေးခွန်းတွေမေးမြန်းနိုင်သလို Career Development နဲ့ သက်ဆိုင်တာမျိုးတွေ မေးမြန်းပြီး အလုပ်အပေါ် ဘယ်လောက် အလေးထားကြောင်း ပြသနိုင်ပါတယ်။

အခုဆိုရင် ဘယ်လိုအမှားမျိုးတွေ လုပ်တတ်လေ့ရှိလည်း ဆိုတာကို သိရှိလောက်ပြီလို့ ယုံကြည်ပါတယ် ။ Interview တွေမှာ အ‌ကောင်းဆုံး ဖြေဆိုနိုင်ပြီး ပိုမိုကောင်းမွန်တဲ့ အနာဂတ်တွေ ပိုင်ဆိုင်နိုင်ပါစေလို့ ဆု‌တောင်းပေးလိုက်ပါတယ်…