ငွေကြေးအခက်အခဲတွေ ကျော်လွှားနိုင်ဖို့ ဘာတွေ လုပ်သင့်သလဲ⁉️

ဒီဘက်ခေတ်မှာတော့ ငွေကြေးအခက်အခဲ ဆိုတာ လူတန်းစားမရွေး ကြုံတွေ့ရနိုင်တဲ့ အခက်အခဲတစ်ခုပါ ။ အထူးသဖြင့် ဒီလို ကပ်ဘေး ကာလမှာဆိုရင် စီးပွားရေးကျဆင်းလာမှုကြောင့် ကျနော်တို့ရဲ့ စိုးရိမ်မှုတွေကလည်း ပိုမိုမြင့်တက်လာခဲ့ပါတယ်။ ဒါပေမယ့်လည်း စိုးရိမ်နေရုံနဲ့တော့ ပြဿနာကို ဖြေရှင်းနိုင်မှာ မဟုတ်ပါဘူး ။ လစဉ်အသုံးနဲ့ ဝင်ငွေ မညီမျှတာတွေ ၊ Personal debt တွေကြောင့် စိတ်ဖိစီးရတာကို သက်သာဖို့အတွက် Financial plan တစ်ခုလုပ်ထားဖို့တော့ လိုအပ်‌လာပါပြီ။

ဒါကြောင့် ဒီနေ့မှာ ရင်ဆိုင်နေရတဲ့ ငွေကြေးအခက်အခဲတွေ ကျော်လွှားနိုင်ဖို့ ဘယ်လိုစီမံသင့်သလည်း ဆိုတာကို မျှဝေပေးသွားပါမယ် …

🔍 (1) သင့်ကို ညအိပ်မပျော်စေတဲ့ အရာကို ရှာဖွေပါ

ငွေကြေးကိစ္စကြောင့် အိပ်မပျော်နိုင်တဲ့အထိ ဖြစ်နေတာကို ကျော်ဖြတ်ဖို့ဆိုရင် အရင်ဆုံး ဘယ်အရာက စိတ်ဖိစီးစေတာလည်း အရင်ဆုံး ရှာဖွေဖို့ လိုအပ်ပါလိမ့်မယ်။ ဒါမှလည်း အကြောင်းအရာကို သေချာသိပြီး နောက်ဘာလုပ်သင့်လည်းဆိုတာကို မြင်သာစေမှာပါ။ အကြီးမားဆုံး ငွေကြေးအခက်အခဲကို သိဖို့အတွက် –

✔️ သင်ရဲ့ ပိုက်ဆံကို ဘယ်နေရာမှာ အသုံးများလဲ ချရေးကြည့်ပါ ( အိမ်အသုံးစရိတ်လား ၊ Online Shopping စရိတ်လား )

✔️ ပြီးရင် ဘယ်အသုံးစရိတ်က သင့်အတွေးထဲ အမြဲရောက်နေလည်း list လုပ်ပါ

✔️ ဒီလိုဆိုရင် အရေးကြီးတဲ့ အသုံးစရိတ်နဲ့ မလိုအပ်တဲ့ အသုံးစရိတ် ပေါ်လွင်လာမှာပါ

📝 (2) လစဉ် အသုံးစရိတ် သတ်မှတ်ထားပါ

Monthly budget သတ်မှတ်တာက ငွေးကြေးစီမံနိုင်ဖို့အတွက် အကောင်းဆုံးနည်းလမ်း တစ်ခုပါ။ ကိုယ့် လစဉ်ဝင်ငွေနဲ့ အသုံးစရိတ်ကို ကန့်သတ်ထားတာဟာ သင့်ကို မလိုအပ်တဲ့နေရာတွေမှာ ပိုက်ဆံကုန်နေတာတွေကို ရှောင်နိုင်လာပါလိမ့်မယ်။ လစဥ် ပုံမှန် ကုန်နေတဲ့ အသုံးစရိတ်အတွက် ဖယ်ပြီး ကျန်တဲ့ အထွေထွေ အသုံးစရိတ်အတွက် နှုန်းတစ်ခု သတ်မှတ်ထားလိုက်ပါ။

🛡️ (3) ယိုပေါက်တွေကို ဖာထေးပါ

လစဉ် အသုံးစရိတ် မလုံလောက်တာက ဝင်ငွေ (Income) နည်းပါးတာ တစ်ခုတည်းကြောင့်တော့ မဟုတ်ပါဘူး ။ သင့်အနေနဲ့လည်း ဘယ်အရာမှာ လက်လွတ်စပယ် သုံးမိနေလည်း ပြန်ဆန်းစစ်သင့်ပါတယ် ။ ဒီလိုပြောလို့ အသုံးစရိတ်တိုင်းကို တစ်ဝက်လောက် လျော့ခိုင်းတာ မဟုတ်ပါဘူး ။ ကိုယ့်နေထိုင်မှုအတွက် လိုအပ်တဲ့ Need and Want ကို ခွဲခြားပြီး ဆင်ခြင်စေလိုတာပါ ( ဥပမာ – ရေ နဲ့ ထမင်း က Need ဖြစ်ပြီးတော့ တစ်နေ့ကို ကော်ဖီ ၂ ခွက်သောက်တာက want ဖြစ်ပါတယ်) ။ ငွေယိုပေါက်တွေ ထိန်းဖို့အတွက် Need ဖြစ်တဲ့ ရေ နဲ့ ထမင်းကို လျော့စရာ မလိုပဲ Want ဖြစ်တဲ့ ကော်ဖီ (၂)ခွက်မှာ တစ်ခွက်ပဲသောက်တာမျိုးနဲ့ ထိန်းနိုင်ပါတယ်။

🧾 (4) အရေးပေါ်အသုံးစရိတ် သတ်မှတ်ပါ

ငွေးကြေးပမာဏတစ်ခုကို အရေးပေါ်အတွက် ဖယ်ထားခြင်းက ရေရှည်မှာ ငွေကြေးကြောင့် စိုးရိမ်ပူပန်မှုတွေ ကင်းဝေးစေနိုင်ပါတယ်။ Covid19 ကာလမှာဆိုရင် အရေးအပေါ်အသုံးစရိတ်က မဖြစ်မနေကို သတ်မှတ်ထားသင့်တဲ့ အရာပါ။ အရေးပေါ်အတွက် ငွေစုဖို့ဆိုတာကလည်း လွယ်တဲ့အရာတော့ မဟုတ်ပြန်ပါဘူး ။ ဝင်ငွေရဲ့ သုံးလစာလောက် စုထားရမှာမလို့ challenge ဖြစ်စေပါတယ် ။ ဒါကြောင့် ငွေစုနိုင်ဖို့အတွက် –

✔️ Budget plan ကို ကြည့်ပြီး တစ်လကို ဘယ်လောက် စုနိုင်လည်း ရှာပါ (Need list ထဲက အရာတွေ သုံးပြီး ကျန်တဲ့ ဝင်ငွေထဲကနေ စုငွေသတ်မှတ်ပါ)

✔️ (၃)လ ကနေ (၆)လ အတွင်း သုံးရမယ့် စရိတ်ကို ကြိုတင် တွက်ချက်ထားပါ

✔️ ငွေစုဖို့အတွက် သုံးမယ် Savings account ကို သီးသန့်ထားပါ

💼 (5) Income ကောင်းဖို့အတွက် ပြင်စင်ပါ

ရတဲ့ ဝင်ငွေတွေ သတ်မှတ် ကန့်သတ်နိုင်ပြီဆိုရင် ငွေကြေးအခက်အခဲတွေ ကျော်လွှားနိုင်ဖို့ နီးစပ်နေပါပြီ။ ဒါပေမယ့် ရေရှည်အတွက်ဆိုရင် Monthly plan , Budget expenses plan တွေ နဲ့တင် မလုံလောက်သေးပါဘူး။ မနက်ဖြန်ဘာဖြစ်မလည်း ကြိုပြောမရတဲ့ ခေတ်မှာ သင့်ရဲ့ Income ကလည်း ခေတ်နဲ့အညီလိုက်ပြီး တိုးတက်ပြောင်းလဲဖို့ လိုပါတယ်။ Career ကို တိုးတက်စေမယ့် ပညာတွေ သင်ယူတာ ၊ Side career တစ်ခုရွေးချယ်ပြီး အပိုဝင်ရှာငွေတာ တွေ ၊ Income ကောင်းတဲ့ အလုပ် လုပ်တာမျိုးတွေနဲ့ ကြိုတင်ပြင်စင်ထားနိုင်ပါတယ်။

ဒီအချက်လေးတွေကို သိသွားပြီဆိုတော့ ငွေကြေးအခက်အခဲတွေ မကြုံလာအောင် ဘယ်လိုစီမံရမလဲ ဆိုတာ နားလည်သွားပြီလို့ ထင်ပါတယ်။ အနာဂတ်မှာ ပိုမိုကောင်းမွန်တဲ့ အလုပ်အကိုင် တွေကို ရယူလိုတယ်ဆိုရင်တော့ jobexpress.com.mm မှာ ဝင်ရောက်ရှာဖွေနိုင်ပါတယ်နော်…

🌐 Website – www.jobexpress.com.mm

📩 Email – info@jobexpress.com.mm

💻 LinkedIn –

📱 Telegram – https://t.me/jobexpressmm

ပိုမိုကောင်းမွန်တဲ့ အလုပ်အကိုင်အခွင့်အလမ်းများ အတွက်

#JobExpressMyanmar #financial #plan #budget #saving