လူမှုဖူလုံရေးဆိုသည်မှာ လုပ်ခဝင်ငွေတစ်ခုတည်းကိုသာ အားထားနေရသည့် အလုပ်သမားများရဲ့ ဝင်ငွေလျော့နည်းခြင်း၊ ရပ်စဲခြင်းနှင့် လူမှုဒုက္ခအဝဝ ကြုံတွေ့ရသည့် အခါတွင် အာမခံစနစ်အပေါ် အခြေခံပြီး အခမဲ့ဆေးဝါးကုသပေးခြင်းနှင့် ငွေကြေးထောက်ပံ့ပေးခြင်းသည် လူမှုဖူလုံရေးစနစ်၏ အခြေခံသဘောတရားတစ်ခုဖြစ်ပါတယ်။ နာမကျန်းမှု၊ မီးဖွားမှု၊ အလုပ်ခွင်ထိခိုက်မှုဒဏ်ရာရမှု၊ အလုပ်လက်မဲ့ဖြစ်မှု၊ အသက်အရွယ်ကြီးရင့်မှု၊ သေဆုံးမှု အစရှိသည့် အချက်များသည် လူမှူဖူလုံရေးတွင် အကျူံးဝင်ပါတယ်။
SSB လုပ်ဆောင်ခြင်းက အလုပ်သမားများအတွက် ဘာတွေအကျိုးခံစားခွင့်ရှိနိုင်လဲ?
- အလုပ်သမားများအနေနဲ့ မိမိသဘောအလျောက် အာမခံငွေထားရှိနိုင်ပြီး ကျန်းမာရေးစောင့်ရှောက်မှုအပြင် တစ်ခြားသော လူမှုဖူလုံခွင့်အကျိုးကျေးဇူးများရရှိခြင်း။
- အလုပ်ရှင်နှဲ့ အလုပ်သမားတို့က ပေးသွင်းထားသည့် ငွေကြေးတစ်ချို့ကို စုဆောင်းငွေကဲ့သို့ သတ်မှတ်ချက် များနှင့်အညီ ပြန်လည်ထုတ်ယူခံစားခွင့်ရှိစေရရှိခြင်း။
- အငြိမ်းစားယူပြီးနောက် ဆေးဝါးကုသမှုဆက်လက်ခံယူခွင့်၊ မိသားစုထောက်ပံ့မှု အကျိုးခံစားခွင့်၊ အလုပ်လုပ်ကိုင်နိုင်စွမ်းမရှိမှုအကျိုးခံစားခွင့်၊ သက်ပြည့်အငြိမ်းစားအကျိုးခံစားခွင့်၊ ကျန်ရစ်သူအကျိုးခံစားခွင့်၊ အလုပ်လက်မဲ့ အကျိုးခံစားခွင့်၊ အိမ်ရာနေထိုင်ခွင့် နှင့် ပိုင်ဆိုင်ခွင့်များကိုပါ ရရှိစေခြင်းတို့ဖြစ်တယ်။
အာမခံအလုပ်သမားများအတွက် အဓိကဆောင်ရွက်ပေးလျက်ရှိသော လုပ်ငန်းစဉ်တွေကတော့
- နေမကောင်းဖြစ်နေတဲ့ အချိန်မှာ ဆေးကုသမှုပေးခြင်း။
- ဝင်ငွေမရှိသောအချိန်မှာဝင်ငွေရှိအောင် ထောက်ပံ့ပေးခြင်း။
- အလုပ်ကြောင့်ရောဂါဖြစ်ခဲ့ပါက ဆေးရုံတက်ကုသခွင့်ပေးခြင်း။
- မီးဖွားမှုအတွက် ထောက်ပံ့မှုများပေးခြင်း။
- လုပ်ငန်းခွင်တွင်မတော်တဆထိခိုက်မှုကြောင့် သေဆုံးခဲ့ပါက ကျန်ရစ်သူအကျိုးခံစားခွင့်များထောက်ပံ့ပေးခြင်းတို့ဖြစ်ပါတယ်။
အခုဆိုရင် လူမှုဖူလှုံရေးအာမခံထားရှိခြင်းရဲ့ အကျိုးခံစားခွင့်တွေ ၊ အာမခံထားရှိရန်လုပ်ဆောင်ရမယ့် လုပ်ထုံးလုပ်နည်းတွေနဲ့ လူမှုဖူလုံရေးအာမခံရဲ့ အသုံးဝင်ပုံတွေကိုအနည်းငယ်သိရှိနားလည်ပြီးဖြစ်ပြီဟုကျွန်တော်တို့ယူဆပါတယ်။ အဲ့တာကြောင့်နောက်တစ်ပိုင်းမှာတော့ SSB ခေါ် လူမှုဖူလှုံရေးအာမခံကတ်ပြားလှျောက်ရာတွင် ပြင်ဆင်ထားသင့်သည့်အချက်များနှင့် ဥပဒေနှင့်အညီ လူမှုဖူလှုံရေးရုံးကထုတ်ပေးထားသည့် သတ်သေခံကတ်ပြားများအကြောင်း ဖော်ပြပေးသွားမှာဖြစ်ပါတယ်ခင်ဗျ။
Source By https://www.mol.gov.mm/mm/
