တစ်ခါက အဘိုးအိုတစ်ယောက်က သူမြေးလေးကို ဆုံးမတယ် –
“ငါ့မြေး ကိုယ်ထဲမှာ ဝံပုလွေနှစ်ကောင် အမြဲတိုက်ခိုက်နေတယ်”
“တစ်ကောင်က ကြောက်တတ်တယ် ၊ စိုးရိမ်သောကများပြီးတော့ မပြတ်သားဘူး တက်တက်ကြွကြွမရှိဘူး”
“နောက်တစ်ကောင်ကြတော့ ယုံကြည်မှုရှိတယ် ၊ စိတ်အားထက်သန်တယ် ၊ တည်ငြိမ်တယ် ၊ ခံယူချက်လည်းပြင်းတယ် ၊ တက်တက်ကြွကြွနဲ့ ဆုံးဖြတ်ချက်ပြတ်သားတယ်”
မြေးလေးက သူ့အဘိုးကို မော့ကြည့်ပြီး မေးတယ်
“ဘယ်ကောင် နိုင်သွားလဲဟင် ”
အဘိုးအိုက ခပ်ဖြေးဖြေး ပြန်ဖြေတယ်
“ငါ့မြေး အစာကျွေးတဲ့ ကောင် နိုင်တာပေါ့ကွာ” တဲ့ ။
ဒီပုံပြင်လေးလိုပါပဲ ကျွန်တော်တို့ အားလုံးရဲ့ ကိုယ်ထဲမှာလည်း ဝံပုလွေနှစ်ကောင် အမြဲတိုက်ခိုက်နေတယ် ။ ကျွန်တော်တို့ အတူယှဉ်တွဲ နေထိုင်ချင်တဲ့ အကောင်ကို ကိုယ်တိုင်ပဲ အစာကျွေး မွေးမြူရတယ်။ ဘဝ အခက်အခဲတွေ ရင်ဆိုင်ရတဲ့ အခါမှာ ဝံပုလွေတစ်ကောင်ကို အနိုင်ပေးပြီး အခက်အခဲတွေကို အတူရင်ဆိုင်ဖို့ ဆုံးဖြတ်ရလေ့ရှိတယ် ။
ကြောက်တတ်တဲ့ ကောင်လား ၊ ရဲရင်တဲ့ ကောင်လား
သင်ဆိုရင်ကော ဘယ်ဝံပုလွေကို ရွေးမလဲ?
ဘယ်ဝံပုလွေကို အစာကျွေးမိနေလဲ ၊ ဘယ် ဝံပုလွေကို အနိုင်ပေးမှာလဲ ??
