အလုပ်လုပ်ဖို့ အသင့်ဖြစ်နေကြပြီလား? ဒါမှမဟုတ် ပထမဆုံး အလုပ်အတွက် ကြိုတင် စိတ်လှုပ်ရှားနေပြီလား ။ ကိုယ်နဲ့ စိမ်းနေသေးတဲ့ အလုပ်ပတ်ဝန်းကျင် ၊ ကိုယ့်ရဲ့ ဆက်ဆံရေးစက်ဝိုင်းထဲ ဝင်လာမယ့် လုပ်ဖော်ကိုင်ဖက် အသစ်တွေ ၊ တာဝန်တွေနဲ့ ကိုယ့်ရည်မှန်းချက်တွေကြောင့် ဒီလို စိတ်လှုပ်ရှားရတာတော့ မဆန်းပါဘူး။ ပထမဆုံး အလုပ်မှာတော့ လူတိုင်းလိုလို ရင်ခုန်ခဲ့ရတာပါဘဲ…
ဒါကြောင့် စိတ်လှုပ်ရှားမှုကနေ စိတ်ပင်ပန်းမှုတွေ မဖြစ်ရလေအောင် – ခုမှ အလုပ်စဝင်မယ့် လူငယ်တွေ အနေနဲ့ အလုပ်မဝင်ခင် ကြိုတင်ပြင်စင်ထားသင့်တဲ့ Skills တွေကို မျှဝေပေးသွားပါ့မယ်…
Communication Skill
လုပ်ငန်းခွင် ထဲ ဝင်ရောက်လာပြီဆိုတာနဲ့ လူပေါင်းစုံနဲ့ ဆက်ဆံရတော့မှာ ဖြစ်လို့ Communication skills ကောင်းဖို့က အဓိက လိုအပ်တဲ့ skills တစ်ခုပါ။ အရင်ကလို ကျောင်းမှာ သူငယ်ချင်းတွေ ၊ ရွယ်တူတွေနဲ့ ဆက်ဆံရသလို မဟုတ်တာကြောင့် လူငယ်တွေအနေနဲ့ အခက်အခဲ အနည်းငယ်ကြုံတွေ ရနိုင်ပါတယ်။ ဒါပေမယ့် မပူပါနဲ့ Communication ကောင်းဖို့အတွက် အမြဲလေ့ကျင့်လို့ ရသလို ကိုယ့်ပတ်ဝန်းကျင် ၊ စီနီယာတွေရဲ့ ပြောဆိုဆက်ဆံပုံကနေလည်း သင်ယူလို့ရပါတယ် ။ Communication ကောင်းဖို့အတွက် အကြံပေးချင်တာကတော့ များများနားထောင်ဖို့ပါ။ တဖက်သား ပြောတဲ့စကားကို သေချာနားထောင်ပေးခဲ့ရင် ကိုယ့်ဘက်ကနေလည်း ပြန်ပြောစရာ စကားကောင်းလေးတွေ ရလာပါလိမ့်မယ်။
Problem-solving Skill
Entry level ဆိုပေမယ့် အလုပ်တိုင်းမှာ သူနဲ့ထိုက်တန်တဲ့ challenges လေးတွေကတော့ ရှိနေတတ်ပါတယ်။ ဒီလို အခက်ခဲလေးတွေကို ဖြေရှင်းနိုင်ဖို့ဆိုရင် Problem-solving skill ကို လိုအပ်လာပါပြီ။ လုပ်ငန်းတိုင်းမှာ လိုအပ်တဲ့ skill တစ်ခုဖြစ်တဲ့အပြင် အလုပ်ရှင်တွေ အလိုချင်ဆုံး skill လည်းဖြစ်တာကြောင့် အလုပ်ထဲမှာ အောင်မြင်ချင်တဲ့သူတိုင်း Problem-solving ကောင်းမွန်အောင် လေ့ကျင့်ထားသင့်ပါတယ်။
Team Work
Company တွေမှာ သက်ဆိုင်ရာ နယ်ပယ်အလိုက် team တွေခွဲပြီး လုပ်ကိုင်ရတာ ဖြစ်လို့ Team Work skill ကလည်း လူငယ်တိုင်း မရှိမဖြစ် သင်ယူထားသင့်တဲ့ skill တစ်ခုဖြစ်နေပါတယ်။ Recruiter တွေကလည်း အဖွဲ့လိုက် ကောင်းကောင်း ပူးပေါင်းနိုင်တဲ့ team player တွေကို ပိုသဘောကျလေ့ရှိတာကြောင့် သင့် အနေနဲ့ Team work ကောင်းပြီး အဖွဲ့နဲ့ အကောင်းဆုံလုပ်နိုင်ဖို့ လိုက်လျောညီနေစွာ နေနိုင်တဲ့ adaptability skill ရှိနေဖို့တော့ လိုအပ်ပါတယ်။
Work Ethic
Work Ethic ကောင်း ရှိတယ် ဆိုတာ အလုပ်ချိန်အတွင်း လုပ်ရမယ့် tasks တွေကို အာရုံစိုက်ထားပြီး တာဝန်လစ်ဟင်းမှု မရှိတာကို ဆိုလိုတာပါ။ အချိန်ကို အလေးထားတာမျိုးတွေ ၊ အလုပ်နဲ့ personal ကို ခွဲခြားနိုင်တာမျိုးတွေ ၊ Time & tasks management ကောင်းမွန်တာတွေက အစပိုင်းမှာ အလေ့အကျင့်လုပ်ဖို့ ခက်ခဲနိုင်ပေမယ့် ရေရှည်မှာ ပိုမိုကောင်းမွန်တဲ့သူ ဖြစ်စေမယ့် Good Habits ဖြစ်တာကြောင့် လူငယ်တွေအနေနဲ့ အစတည်းက အလေ့အကျင့်လုပ်ထားသင့်ပါတယ်။
ဒီလောက်ဆိုရင်တော့ အလုပ်ထဲမှာ အဆင်ပြေနိုင်ဖို့ ဘယ် skills တွေ လိုအပ်သလည်း ဆိုတာကို သဘောပေါက်လောက်ပြီလို့ ယူဆပါတယ်။ အပေါ်မှာ ပြောသွားခဲ့တဲ့ Skills တွေက Soft skills တွေဖြစ်တာကြောင့် သင်ယူရတာ ခက်ခဲနိုင်ပေမယ့် တကယ်တတ်မြောက်သွားရင် အပြောင်းအလဲတွေဖြစ်နိုင်တာမလို့ သေချာကောင်းမွန်အောင် လေ့ကျင့်သွားဖို့ အကြံပေးလိုက်ပါတယ်။
ယခုလို အလုပ်နဲ့ပက်သက်တဲ့ contents တွေ ဖတ်ရှူချင်တယ် ဆိုရင်တော့ JobExpress Page ကို Like & Follow လုပ်ခဲ့ဖို့ မနေနဲ့နော် …
🔹 Facebook – JobExpress Myanmar
🔹 LinkedIn –
🔹 Telegram – https://t.me/jobexpressmm
ပိုမိုကောင်းမွန်တဲ့ အလုပ်အကိုင်အခွင့်အလမ်းများအတွက်
